ڈاکٹرعثمان انور نئے آئی جی پنجاب تعینات، نوٹیفکیشن جاری

ڈاکٹرعثمان انور

اسلام آباد : وفاقی حکومت نے ڈاکٹر عثمان انور کو انسپکٹر جنرل آف پولیس (آئی جی ) پنجاب تعینات کرکے عامر ذوالفقار کا تبادلہ کردیا۔

اس حوالے سے ذرائع کا کہنا ہے کہ آئی جی پنجاب پولیس عامر ذوالفقار کا تبادلہ کردیا گیا ہے، ان کی جگہ ڈاکٹر عثمان انور کو انسپکٹر جنرل آف پولیس پنجاب تعیناتی کا نوٹیفکلیشن جاری کردیا گیا۔

عامر ذوالفقار کو اسٹیبلشمنٹ ڈویژن رپورٹ کرنے کی ہدایت دی گئی ہے۔ عثمان انور ان دنوں بطور ایڈیشنل آئی جی موٹر وے پولیس فرائض سر انجام رہے تھے۔

ڈاکٹر عثمان انور اس سے قبل پنجاب میں ایڈیشنل آئی جی اسپیشل برانچ کے عہدے پر تعینات رہ چکے ہیں ،عثمان انور سی ٹی ڈی پنجاب، ایس ایس پی آپریشنز فیصل آباد، سی آئی ڈی اور چیف ٹریفک آفیسر راولپنڈی بھی تعینات رہ چکے ہیں۔

عثمان انور نے پرائم منسٹر آفس اسلام آباد، ڈی پی او اوکاڑہ ، ڈی پی او سرگودھا ، ٹیلی کمیونیکیشن اور ایلیٹ پولیس میں بھی فرائض سر انجام دئیے ہیں۔



from ARYNews.tv | Urdu – Har Lamha Bakhabar https://ift.tt/ulahJ76 ویب ڈیسک

0 Comments:

Post a Comment