شاہراہ قراقرم پر خوفناک حادثہ: چینی باشندہ اور ڈرائیور ہلاک

چینی باشندہ

چلاس : شاہراہ قراقرم پر ٹریفک حادثے میں چینی باشندے سمیت دو افراد جان کی بازی ہار گئے اور ایک چینی خاتون زخمی ہوگئی۔

تفصیلات کے مطابق چلاس کے علاقے میں گلگت سے اسلام آباد جانے والی گاڑی شاہراہ قراقرم پر حادثے کا شکار ہوگئی، حادثہ تیز رفتاری کے باعث پیش آیا۔

ذرائع کے مطابق حادثے کا شکار ہونے والی گاڑی دیامر جلی پور شاہراہ قراقرم پر موڑ کاٹتے ہوئے کھائی میں جاگری، حادثے میں ڈرائیور سمیت چینی باشندہ ہلاک اور ایک خاتون زخمی ہوگئی۔

پولیس کا کہنا ہے کہ زخمی چینی خاتون کو طبی امداد کیلئے آر ایچ کیو اسپتال منتقل کردیا گیا ہے، جائے وقوعہ سے دونوں افراد کی لاشیں نکالنے کیلئے ریسکیو آپریشن جاری ہے۔

اس حوالے سے پولیس حکام کا کہنا ہے کہ مذکورہ حادثے میں جاں بحق ہونے والے ڈرائیور کا تعلق ضلع گلگت کے علاقے دنیور سے ہے۔



from ARYNews.tv | Urdu – Har Lamha Bakhabar https://ift.tt/FcmxKWp ویب ڈیسک

0 Comments:

Post a Comment